عمان جو _

يُعرف عن المطرب اللبناني زين العمر حبه الشديد لوطنه وانحيازه لكل ما هو لبناني ، ولطالما عبّر عن ذلك من خلال تغريداته على مواقع التواصل او من خلال غنائه للجيش اللبناني الذي يعتبره خطاً أحمر.. لذلك جاء إتخاذه قرار الهجرة الى كندا صادماً للجميع..
فقد أعلن زين العمر رغبته بالهجرة مع اولاده الى كندا من خلال سلسلة تغريدات عبر صفحته الرسمية على موقع التواصل الاجتماعي "تويتر"، بحجة "عدم قدرته على إحداث تغيير إيجابي في لبنان" بحسب قوله.
وقال: " من بعد تفكير كتير وصلت لقرار، اول شي بعتذر من كل شخص زعل مني من اي شي كتبتو بحياتي، تاني شي لأنو حلمت بوطن بحبو اكتر من حياتي ضحيت كل عمري كرمال لبنان ورح ضل كل عمري اعبد لبنان، انما لأنو ما عم نقدر نغيّر شي قررت ارجع على كندا مع ولادي ورح يبقى لبنان بدمّي. محبتي للجميع".
وأضاف: "لأنو مش رح ربّي ولادي متل ما ربينا على التفرقة والحقد والبغض كرمال هيك".
وتابع: "الوطن يعني انو نعيش فيه بكرامة مش كل حياتنا مصارعة.. لبنان وشعبو اشرف عالم بس للأسف مرضنا وتعبنا وما في شي حرزان انو نزعل من بعض ..... كل عمرنا ناطرين الفرج وبعدنا ناطرين الله يخلٌص لبنان بس هيك ......"
وختم زين قائلاً: "شكراً لكل المحبين. فرحنا سوا بالتواصل مع بعض. كل الحب للجميع وهذه آخر تغريدة لي".
وبالتأكيد ، سيحرص زين العمر على التواصل مع جمهوره اللبناني العربي- اذا ما صمم على الهجرة فعلاً- وسيكون بامكانه المجيء لإحياء بعض الحفلات من حين لآخر، بالتنسيق مع ادارة إعماله في لبنان.. وبذلك يستمر في نشاطه الغنائي ويكسب بالمقابل الجنسية والتعليم العالي لأبنائه .. وان كنا شخصياً نتمنى ألا يكون قرار الهجرة جدياً؟!