عمان جو -

#كتب : #محمد_الشلبي.

لما بدك تطلب علاوة 50% وبتقول أنها حقك , حقك أكبر من هيك وبتستاهل 100% مش بس 50% بس كمان اعطي حق وخذ حق يعني الجيل إلي شايفينوا بالشوارع اليوم لو أنا رئيس حكومة ما بعطيك علية 5% علاوة

ومع إحترامي الشديد كنقابة معلمين الإمتيازات إلي حاصلين عليها ما حدى حاصل عليها بكل الأردن من بنوك وقروض وإمتيازات أخرى وأنتم تعلمون ما هي

من المؤسف عمل الإضراب بس في المدارس الحكومية وترك المدارس الخاصة ولا إليك دخل فيهم وإذا بتحب راجع عقود المدارس الخاصة بتلاقي معلمات بداوموا براتب 150 دينار إردني فقط لا غير ومش قادرات يفتحوا ثمامهم ولا يضربوا زي ما حضرة النقابة العامة عاملة في المدارس الحكومية لأنو بكل بساطة بقلها صاحب المدرسة توكلي على الله ورحي روحي خلي النقابة الحكومة تعطيكي راتب .

كلنا بصف المعلم بالنهاية وزيادتك 50% يعني لازم كلو موظفيين البلد ينزادوا 50% مهندسيين وأطباء ومحاميين وكل نقابة بسير بدها زيادة بنفس المبلغ مع إضراب وتعطل مصالح الناس.

قبل ما تفكر بحسبة بسيطة بالزيادة فكر بتشغيل العاطلين عن العمل في الأردن وإلي مش لاقيين شغل من سنيين وهما بدوروا علية واجبك كشخص تربوي توقف مع الحق وإلي بتعملوا هسى لا يمث للحق بإي صلة .

علاوة 50% راح تكون فوق 150 مليون دينار أردني هذول بشغلوا 100.000 عاطل عن العمل شهريا بوظائف حكومية مثلك مثلوا ومنحل مشكلة البطالة بالأردن بعلاوتك .

أخر نقطة وهي ليش النقابة مش موافقة على ربط الأرداء بالزيادة يا اخي حقي أعرف إلي بدرس إبني بدرسوا صح ولا غلط وإذا إليك حق خذو ما إليك أنت معلم ما بتستاهل .

واقع المدارس الحكومية اليوم في الأردن صعب جدا تسيب وإستهتار كبير ولا حارس ولا ظابط عليها قدم أداء جيد وأطلب حقك كمعلم مش تروح على الساعة 11 الصبح وتوخذ إضافي من تعليم السوريين و مراكز وحصص خاصة وإنتخابات بشاركوك وبحاسبوك وعمرهم ما قصروا معك كل مناسبة وطنية بكرموك يا اخي أقسم بالله ما حدا ماخذ حقك بهالبلد.... ماخذ حقك وزيادة .

#محمد_الشلبي